Lutja e parë e xhumasë pas 86 vjetësh në Shën Sofia të Stambollit u be nen pranine e rreth 350,000 besimtarëve. Kjo u konfirmua nga presidenti Erdogan.
Erdogan ishte vetë prezent në namazin e xhumasë në Shen Sofia, dhe para fillimit të namazit, ai lexoi suren Fatiha dhe gjashtë ajetet e para të sures Bekara.
Më pas, ai vizitoi edhe varrin Sulltan Mehmed Fatihut, njeriut që morri në zotërim Kostandinopojën në krye të një ushtrie osmane, e bashkë me të dhe Katedralen e famshme të Shën Sofisë, të cilën, pasi e bleu, e dhuroi pronë vakuf për xhami.
Me këtë rast, Erdogan tha se Hagia Sophia u kthye në thelbin e saj sot.
“Ishte një xhami dhe tani është përsëri një xhami. Shpresoj se do t’u shërbejë besimtarëve përgjithmonë si xhami,” tha Erdogan.
Erdogan tha gjithashtu se anëtarët e të gjitha feve do të jenë në gjendje të vizitojnë këtë vend si një trashëgimi kulturore e gjithë njerëzimit.
Ai deklaroi se restaurimi i Hagia Sophia-s jashtë dhe brenda do të pasonte këtë moment historik.
“Punimet e restaurimit jashtë dhe brenda do të pasojnë, të cilat do të realizohen nga Ministria e Kulturës dhe Turizmit. Me këto punime restaurimi, Hagia Sophia jonë do të jetë dhe më madhështorë e më e rëndësishme,” tha Erdogan.
