Futbolli është loja që gjithmonë prodhon të papritura.
Çudia e radhës ka ndodhur dje në Kategorinë e Dytë në ndeshjen Maliqi-Tepelena që vendasit e fituan me rezultatin 4-1.
Portieri i Maliqit, Vollga u ndëshkua me karton të kuq në minutën e 65-të dhe si për koeçidencë vendasit nuk kishin portier rezervë.
Kështu, si për emergjencë, sulmuesi kryesor i ekipit, Alatin Ametlli ka treguar gatishmërinë e tij për t’i ardhur në ndihmë ekipit.
Ametlli ka ndryshuar uniformën me portierin dhe është futur në kuadrat. Për fatin e tij dhe të skuadrës, ai ka bërë një paraqitje të denjë në minutat e mbetura, pasi ka realizuar dy pritje spektakolare.
Me paraqitjen e tij, nëse nuk ndihet mirë në sulm, apo skuadra ka nevojë për portier, bomberi tregoi se mund ta bëjë mjaft mirë edhe rolin e portierit./JOQ.al/
