Nga organizator i protestave për mosdhënien e dëmshpërblimeve të përmbytjeve në Shkodër… në kandidat për deputet, por pa e ditur!
Kjo është historia e çuditshme e Paulin Maçajt, emri i të cilit ka dalë si kandidat për deputet në partinë e ish të përndjekurve politik të Bilal Kolës. Por gjithçka ka ardhur pa paralajmërim.
Maçaj nuk e ka ditur se ka qenë pjesë e listave në Aleancën Popullore për Drejtësi. E ka marrë vesh nga të tjerët dhe menjëherë i është drejtuar Tiranës. Ka shkuar në KQZ dhe ka tërhequr kandidimin “me pahir” që i është bërë.
Emri i tij është i njohur për median, pasi Maçaj ka qenë njëri ndër organizatorët e protestave të bëra në vitet 2010-2011, kur Shkodra ju nënshtrua përmbytjeve masive. Maçaj kërkonte dëmshpërblimet pëer përmbytjet, një fakt për të cilin flet edhe sot se nuk është bërë./
