Trajneri i Lyon-it: Juventusi është ndërtuar për të fituar

Kanë mbetur vetëm dy ditë nga ndeshja e kthimit të 1/8 finale të Ligës së Kampionëve. Juventusi do të duhet të vuajë kundër Lyon, me një avantazh të vogël të francezëve, falë rezultatit 1-0 të sfidës së parë. Bardhezinjtë do të duhet të luajnë një lojë të zgjuar në mbrojtje. Një gol tjetër nga francezët, në fakt, do ta bënte thuajse të pamundur kualifikimin për në çerekfinale.
Trajneri i Lyon-it është Rudi Garcia, i cili ishte rival i “Zonjës së Vjetër” në kohën e Romës, që fitoi dy vendet e dyta radhazi, pas bardhezinjve. I ​​intervistuar nga “Gazzetta dello Sport”, francezi nisi një “ngushëllim” në drejtim të Maurizio Sarrit, i mbingarkuar nga kritikat për mungesën e lojës së mirë, megjithë fitimin e titullit të nëntë radhazi:
“Çfarë duan njerëzit? Që ekipi të fitojë, apo jo? Këtë po e bën Juventusi, sepse e kanë në ADN e tij. Çfarëdo trajneri të vijë aty, duhet ta kultivojnë shpirtin e fitores. Sarri e bëri këtë dhe fitoi titullin, tani gjykohet loja. Unë thjesht them se Juventusi ishte akoma më i miri në Serie A”.
Një tjetër përballje mes Italisë dhe Francës do të jetë në çerekfinale, kur të ndeshet Atalanta dhe PSG: “Atalanta, një ekipi i shkëlqyeshëm. Shumë keq që humbi Ilicic, ai është një lojtar fantastik. Ata do të ishin edhe më të fortë me të, por Papu Gomez është gjithashtu një kampion. Ai luan në mënyrë të përsosur futbollin e Gasperini. PSG nuk do të ketë Mbappé, ndaj do të jetë një lojë më e hapur nga sa mendoni, edhe pse unë do të mbështes PSG-në, sepse është një ekip francez”.
Në letër, Juventusi shihet favorit për thellësinë e një skuadre që duhet të bëjë kapërcimin cilësor përtej kufijve kombëtarë: “Ne nuk do të mbrohemi gjatë gjithë ndeshjes, do të duhet të sigurohemi të shënojmë një gol. Nëse dalim në lojën tonë, do të jetë e vështirë të na eliminojnë. Me PSG kemi treguar një solidaritet interesant mbrojtës. Sigurisht, nuk jemi në një nivel me Juventusin, që është ndërtuar për të fituar Ligën e Kampionëve, si PSG. Fakti që Cristiano Ronaldo është bashkuar me Juven është shenjë e qartë e kësaj”.
Përqindja e shanseve të kualifikimit, sidoqoftë, është e ndarë saktësisht përgjysmë, sipas tij: “A kemi 50% shanse? Po, mund ta themi. Zakonisht, kush fiton 1-0 në ndeshjen e parë ka më shumë shanse, por ne e dimë se me kë do të luajmë dhe ku”.