Ministri i shëndetësisë libaneze Hamad Hasan ka këshilluar qytetarët që kush mundet të largohet nga Bejruti. Qyteti është shkatërruar nga dy shpërthime të fuqishme që kanë shkaktuar deri tani 100 të vdekur dhe 4000 të plagosur, një bilanc ky provizor. Hasan ka cituar për mediat lokale që materialet e rrezikshme të shpërndara në ajër mund të kenë një efekt mortal afatgjatë. Në magazinë ishin rreth 2700 ton nitrat të sekuestruara në një depo në 2014. Mbetet akoma mister shkaku i shpërthimit. Presidenti i Libanit, Michel Aoun, tha se 2,750 ton kimikate bujqësore ishin ruajtur në mënyrë të pa sigurtë në një depo për gjashtë vjet. Ai caktoi një takim urgjent të kabinetit për të mërkurën, duke thënë se duhet të shpallet një gjendje e jashtëzakonshme dy-javore. Zyrtarët thanë të martën se kanë filluar një hetim për të gjetur shkakun e saktë të shpërthimit. Këshilli i Lartë i Mbrojtjes në Liban tha se ata që janë përgjegjës do të përballen me “dënimin maksimal” të mundshëm.
