Drejtori i Përgjithshëm i OBSH-së, Tedros Adhanom Ghebreyesus u bëri thirrje qeverive dhe qytetarëve të bëjnë gjithçka që mundin për të “zhdukur” transmetimin e virusit të ri koronar COVID-19, i cili ka infektuar më shumë se 20 milion njerëz dhe ka marrë jetën e 750,000 sosh.
“Prapa këtyre statistikave ka shumë dhimbje dhe vuajtje,” tha kreu i OBSH në një konferencë për shtyp në internet.
“Shumë prej jush janë në zi, kjo është një kohë e vështirë për botën. Por unë dua të jem i qartë, ka rreze shprese … nuk është kurrë vonë që të kthehet epidemia, por që zyrtarët duhet të mobilizohen për të vepruar dhe qytetarët për të marrë masa të reja”, tha ai.
Ai tha që mesazhi i tij ishte i qartë – çrrënjosni, zhdukni, zhdukni virusin.
“Nëse e zhdukim në mënyrë efektive virusin, ne mund ta hapim shoqërinë plotësisht në mënyrë të sigurt,” tha ai, duke përmendur disa vende ku përpjekjet kanë dhënë rezultate.
Vende të suksesshme
Ai tha se disa vende në rajonin Mekong, Zelanda e Re, Ruanda dhe një numër vendesh ishujsh në Karaibe dhe Paqësor ishin në gjendje të zhdukin virusin shumë shpejt.
Zelanda e Re, e cila kaloi kufirin 100-ditor të dielën pa asnjë infektim, konsiderohet një shembull botëror, tha drejtori i përgjithshëm i OBSH.
Ai gjithashtu vlerësoi përparimin e Ruandës, e cila ka një kombinim të lidershipit të fortë, kujdesit shëndetësor universal, punonjësve shëndetësorë të mbështetur mirë dhe komunikimit të qartë mbi shëndetin publik.
Ai gjithashtu vlerësoi veprimin e shpejtë të disa vendeve evropiane, siç është Britania e Madhe, e cila forcoi izolimin e zonave të caktuara në veri të Anglisë, ose Francëa e cila prezantoi veshjen e maskave edhe jashtë në vende shumë të vizituara në Paris.
