‘Ndalu këtu o i korruptuar’, polici në Kakavijë tenton të kalojë pa radhë makinën, pezullohet nga puna (VIDEO)

Ndërsa situata sa vjen e rëndohet në Kakavijë, ku qytetarët kanë tre ditë që presin në radhë për të bërë tamponin si kusht për të kaluar kufirin në Greqi, njëri nga policët ka tentuar që të kalojë një makinë pa radhë. Kur qytetarët kanë parë këtë veprim skandaloz kanë rrethuar makinën me targa IHI 2992. “Ndalu këtu o i korruptuar, mos ik, ja policia e shtetit!”, bërtet njëri nga qytetarët. Pas kesaj ngjarje drejtori i Përgjithshëm i Policisë së Shtetit ka pezulluar nga detyra efektivin e policisë.  Drejtoria e Standardeve Profesionale në Drejtorinë e Përgjithshme të Policisë së Shtetit ka nisur menjëherë hetimin disiplinor ndaj punonjësit të Policisë, për shkelje të rëndë.