Përdorimi i maskave për fytyrën do të jetë i detyrueshëm për të gjithë nxënësit që kthehen në shkollë këtë vjeshtë, përfshirë kopshtin e fëmijëve, tha Ministrja greke e Arsimit Niki Kerameus të enjten, duke miratuar këshillat e komitetit të ekspertëve të qeverisë për koronavirusin.
“Përdorimi i maskës për fytyrën është mjeti më i rëndësishëm që ne kemi në këtë moment për t’u mbrojtur nga kjo sëmundje, si për të rritur, ashtu edhe për fëmijët në shkollë,” tha ministrja për Alpha TV. Përdorimi i tyre do të kërkohet vetëm brenda ambienteve dhe jo gjatë orës së fiskulturës, shtoi ajo të premten.
Sidoqoftë, fëmijët do të duhet ta veshin maskën nëse ka numër të madh nxënësish në oborrin e shkollës. Kerameus tha se një theks do t’i kushtohet edukimit të fëmijëve dhe mësuesve në lidhje me përdorimin korrekt të maskave të fytyrës në kopshtin e fëmijëve dhe në tre klasat e para të shkollës fillore. Njoftime të hollësishme se si, secili nivel i arsimit do të funksionojë në vjeshtë do të bëhet të hënën e ardhshme.
