Nëntoka e Shqipërisë fsheh thesare. Një i ri nga fshati Turan i Tepelenës ka bërë një zbulim arkeologjik teksa punonte tokën e tij. Teksa gërrmonte, i riu ka zbuluar një varr të lashtë, me një sipërfaqe thuajse 2 metra katrorë, brenda të cilit kishte dhe disa objekte. “TemA” ka publikuar disa fotografi të këtyre gjetjeve, disa prej të cilave janë eshtra, monedha, disa enë prej metali si dhe mbetje qaramike. Për të bërë më kërkime, në zonë janë nisur specialistët e Qendrës Arkeologjike, të cilët do të zbarkojnë aty për të dokumentuar dhe analizuar vlerën e gjetjeve. Gjithashtu nuk përjashtohet mundësia e zbulime të tjera në të njëjtin fshat, i cili ndodhet vetëm 3.5 km nga qyteti i Tepelenës.