Vlorë, i moshuari gjendet pa jetë në banesë, dyshohet se është qëlluar me thikë

Të tjera detaje janë zbardhur nga vdekja e 91-vjeçarit në Vlorë. Sipas raportimeve nga ekspertiza mjeko-ligjore, i moshuari i cili u gjet i vdekur në banesën e tij, është goditur me thikë. Burime për mediat raportojnë se në banesë janë gjetur shenja duarsh dhe njolla gjaku, çka dyshohet se 91-vjeçarin e kanë vrarë. Ende nuk dihen motivet e ngjarjes, ndërsa policia ka nisur hetimet për të zbardhur shkaqet dhe rrethanat e vdekjes së të moshuarit. Raportohet se 91-vjeçari jetonte i vetëm në banesë. Trupi i viktimës ndodhet në morg, ku po vijojnë hetimet nga ekspertiza mjeko-ligjore.