Një pacient shqiptar 59-vjeçar në Greqi ka sulmuar infermieren, pasi e ka thirrur për ndihmë. Pacienti, i operuar një javë më parë nga pneumotoraksi, ka pritur të hyjë infermierja në dhomë dhe e ka sulmuar në thikë, duke e hedhur në tokë e më pas duke e qëlluar me duar.
Pas kësaj, ai hoqi serumet me forcë dhe vrapoi nëpër korridor. U ngjit në katin e katërt nga shkallët e sigurisë dhe u hodh në hapësirën e brendshme të spitali, duke gjetur vdekje të menjëhershme. Mësohet se për 48 orë, 59-vjeçari do merrte fletëdaljen dhe nuk kishte asnjë të dhënë për probleme psikike. Ndërsa infermierja e plagosur ndodhet në spital, jashtë rrezikut për jetën. Megjithatë, ajo ka marrë plagë të rënda në kokë, kraharor e të tjera më të lehta, të shumta, në duar e këmbë.
Menjëherë në spitalin qendror të Athinës ka arritur policia, ndërsa prononcim në media ka dhënë drejtoria e spitalit, kryetari i federatës së punonjësve në.spitalet publike të Greqisë, ndërsa telefonatë urgjente për incidentin ka bërë ministri i Shëndetësisë së Greqisë, Vasilis Kikilias. Vazhdimisht dalin detaje të reja për ngjarjen e pazakontë.
