Sipas një studimi, njerëzit që refuzojnë të mbajnë veshur maskë kanë tendencë sociopatie dhe ndihen të distancuar nga shoqëria.
Studimi u krye nga Fabiano Koich Miguel në Universitetin Estadual de Londrina, në jug të Brazilit. Për këtë, 1578 brazilianë u pyetën në lidhje pajtueshmërinë e tyre kundrejt rregullave të Covid-19.
Është vënë re se moskokëçcarja, mashtrimi dhe manipulimi, përveçse shenja sociopatie, janë dhe tipare të gjendura mes njerëzve që thyejnë rregullat e distancimit social për shkak të Covid-19.
Studiuesit janë shprehur se këta njerëz përbëjnë kërcënim për shoqërinë, pasi pavarësisht shkallës së vdekshmërisë, ata përsëri nuk zbatojnë rregullat. Brazili renditet i dyti me numrin më të lartë të të prekurve në bote, me rreth 3.8 milionë raste.
Çdo individ, ndoqi një sërë testesh personaliteti nga muaji Mars deri në Qershor dhe kështu u kategorizuan në dy grupe studimi.
Empatikët, me 1200 njerëz, të cilët treguan respekt dhe mirëkuptim ndaj ndjenjave të të tjerëve. U vu re se ata gjithashtu u interesuan në zhvillimin pozitiv të ndërveprimit shoqëror, në mënyrë që çdokush të ndihej mirë dhe i qetë.
Grupi i dytë, u diagnostikua me çrregullime në personalitet dhe përbëhej nga 400 vetë. Ata kërkojnë të kenë përfitime personal nga ndërveprimi social, dhe kanë prirje të jenë armiqësor ose agresive. Pikërisht kjo kategori njerëzish refuzon të vërë maskë apo të respektojë rregullat e distancimit. Sipas tyre, sëmundja nuk përbën aq rrezik.
Këtë kërkim ka mbështetur dhe një institucion në Poloni, duke arsyetuar se këta njerëz nuk zbatojnë rregullat, por grumbullojnë sende bazë jetësore si për shembull letra higjienike, për ta parandaluar virusin.
Studiuesit në Universitetin e Varshavës, vëzhguan rreth 755 njerëz nga 15 Marsi deri në 29 Mars. Përkatësisht gjatë fillimit të pandemisë dhe karantinimit.
Ndërsa Universiteti Poznan ndoqi hap pas hapi 263 njerëz, për periudhën 14 deri në 30 Prill gjatë krizës në Europë.
Zbulimet që u bënë dëshmuan se njerëzit me tendenca sociopatie ose me kompleks narcistik janë më të prirur të injorojnë kufizimet e koronavirusit, pasi besojnë se këto masa nuk funksionojnë.
Për ta, mënyra më e mirë për ta luftuar pandeminë është të mos humbin kurrë gjërat që ata konsiderojnë të domosdoshme. Kjo vjen për shkak të natyrës kompetitive dhe lakmitare që u jep ndjesinë e “të drejtës.” Pra çdo gjë u përket atyre dhe kurrsesi nuk mund të ndahet.
