Zgjedhjet, Rama ikën nga Vlora, merr drejtimin e qarkut Durrës

Ka përfunduar mbledhja e grupit parlamentar të PS. Edi Rama do të jetë përkohësisht drejtues politik i Durrësit teksa janë ndarë edhe postet e tjera në PS për qarqet e Shqipërisë. Grupi parlamentar i PS mbajti një mbledhje sot rreth 90 minuta në Elbasan ku Rama i ka përcaktuar detyrat deputetëve në prag të zgjedhjeve të 2021. Ikja e Ramës si drejtues politik në Durrës, do të thotë praktikisht se ai prite të jetë në krye të listës së kandidatëve të këtij qarku, duke u larguar në këtë mënyrë nga qarku Vlorë ku ishte deputet 4 vitet e fundit. Mbetet për t’u parë se kush do të jetë tashmë në Vlorë.