Një “FuckUp Night” e organizuar nga Milena Harito i lë shumë hapësirë imagjinatës, ndaj provokimi që i bëri Ministria e Inovacionit gazetarëve këtë të mërkurë, funksionoi. Emri ngacmues, vjen nga një eksperiencë e huaj dhe ideja e “FuckUp Night” është regjistruar si patentë jashtë vendit.
Ideja është që njerëz të suksesshëm, të ndajnë për publikun dështimet, ditët e zeza, netët pa gjumë, para se të arrinin suksesin. Gjithçka kanë arritur të kapërcejnë falë forcës dhe përpjekjeve, para se të bëhen të famshëm.
Xhani De Biasi dhe Rovena Dilo do të tregojnë “netët e tyre” të mundimshme, në aktivitetin e organizuar nga Milena Harito.
