Ish-deputeti i LSI-së në Gjirokastër, Vangjel Tavo e ndërpreu rubrikën e tij në Facebook, “komunikimi javor”, që nisi me shumë zell pas daljes nga karantina. Por reagon herë pas here me statuse të ndryshme për aktualitetin politik në vend. Teksa shpërndan një lajm nga DW mbi mundësinë e pengesës së hapjes së negociatave për shkak të ndryshimit të Kushtetutës në Korrik, Tavo shkruan:
“Vazhdojnë dita-ditës shuplakat ndaj sektit të rilindjes që ka marrë peng Shqipërinë. Jo vetëm shkelën marrëveshjen e 5 qershorit të arritur me partnerët tanë ndërkombëtarë por bëjnë lojra edhe me listat e hapura. Listat duhen hapur 100% Sekti i rilindjes nuk i do 100% Përse? Sepse ka frikë. Sepse nuk ka kandidatë të denjë e pa njolla me drejtësinë. Sepse nuk ka kandidatë të përfaqësojnë njerëzit e thjeshtë të cilët kërkojnë të dëgjohen sot më shumë se kurrë. Hapini listat! Përse keni frikë?”
