Trajneri i Kombëtares, Maran në konferencë para mqiësores ndaj Luksemburgut, foli edhe për mundësinë e ndryshimeve në formacion, në krahasim me sfidën ndaj Izraelit.
“Rasti i Hysajt si titullar është specifik, por preferoj ta bëj personalisht lajmërimin me lojtarët nëse do luajnë apo jo. Ndoshta do ketë mundësi, por mbetet për t’u vlerësuar. Emrat e lojtarëve të rinj që mund të marrin minuta nesër, nuk dua t’i zbuloj para kohe. Kam dëshirë që kësaj skuadre t’i jap një lloj vazhdimësie. Do ketë ndryshime, por në kuadrin e provimit të gjërave për vazhdimësinë që do kemi edhe për ndeshjet e ardhshme në shtator”.
