Robert Berisha ishte i ftuari i djeshem ne emisionin “Rudina’. Ai foli gjatë për jetën e tij aktuale, në drejtim të jetës personale dhe asaj profesionale.
Në lidhje me ish-bashkëshorten e tij, Nora Istrefin, ai bëri të ditur se bashkë ruajnë një raport të shumë të mirë edhe prej kaq shumë vitesh ndarje duke pohuar se edhe nëse nuk do të kishte qenë Renee në mes, për të do kishte shumë keq nëse ata do ishin armiq me njëri-tjetrin pas gjithë atyre viteve së bashku. I pyetur nga moderatorja, në lidhje me një ribashkim të tyre, ai u shpreh se nuk i dihet, duke lënë të hapur të gjitha shpresat për adhuruesit e çiftit se në një të ardhme, ata mund të jenë sërish bashkë.
“Jam i lirë, jam i fokusuar në punë, jam duke bërë albumin tim të parë pas 10 viteve me 12 këngë të reja dhe jam përkushtuar shumë në atë drejtim, Kam qejf të jem pak i lirë dhe po e vë re se nuk jam i gatshëm dhe nuk do të kisha qejf të lëndoja të njejtin person dy herë.”
Në lidhje me unazën që Roberti i dhuroi Norës, e cila tërhoqi vëmendjen e të gjithë ndjekësve të emisionit të tij dhe jo vetëm, ai e cilësoi atë gjest vetëm si një shenjë simbolike e dhuruar nga disa miqtë e tij, për ta mbajtur më pas vajza e tyre Renee.
“Nëse bashkohemi, bashkohemi, por për unazë nuk ka nevojë, s’ka nevojë të bëjmë harxhime”.
Kujtojme se cifti ka një vajzë 11 vjeçare, Renee. Robert Berisha dhe Nora Istrefi i dhanë fund martesës së tyre në vitin 2019, teksa ishin në një martesë të konsoliduar për rreth 10 vite.
