A ka oligarkë në Shqipëri? Kryeministri Edi Rama e mohon. Për kreun e qeverisë të pasurit më të pasur janë aktorë të cilët në kushtet e Shqipërisë janë kontributorë të drejtëpërdrejtë në buxhetin e shtetit, në shkolla dhe shtëpitë e rindërtimit.
Edi Rama: “Nuk ka oligarkë në Shqipëri, Nuk ka në Shqipëri njerëz të pasur që marrin vendime prë llogari të qeverisë. Nuk ka në Shqipëri ndonjë që të më detyrojë mua apo qeverinë tonë që të marrim vendimin që shkon në interes tij dhe në dëm të interest publik, por përtej fjalës të pasurit më të pasur që ishin në Shqipëri përpara se ne të vinim në pushtet paguanin më pak taksa.
Duhen marrë këta oligarkët dhe duhen parë çfarë kanë dhënë e çfarë kanë marrë. Se flitet për ta e duket sikur flitet për “kulakët”, por në fakt këta janë punëdhënësit më të mëdhenj të Shqipërisë, mbajnë në punë dhjetra mijëra njerëz, janë kontributorë të drejtëpërdrejtë në buxhetin e shtetit. Me taksat e tyre, që sot mblidhen më shumë, financohen edhe shkollat edhe shtëpitë e rindërtimit, që janë pjesë e kësaj gjëje.
Këta janë aktorë të cilët në kushtet e Shqipërisë që qeverisim ne thjesht e vetëm kanë kontribuar kur është fjala për projektet e Partneritetit Publik Privat dhe përfituesi nga ana tjetër është publiku, sepse këtu është bërë një propagandë e shfrenuar kundër PPP-së e koncesion.”
Në debatin “oligarkë” dhe të pasurit që pasurohen më shumë falë aftësive të tyre, Rama flet për një hendek mes fakteve, dizinformim, padituri dhe është i bindur se qeveria e Shqipërisë nuk është në ndonjë kërcënim sa i takon sovranitetit të vendimmarrjes.”
Edi Rama: “Është e rëndësishme të kuptohet që ky është sistemi që kemi zgjedhur, por ndërkohë që njerëzit mund të pasurohen shumë, falë aftësive të tyre, është e rëndësishme më të pasurit kontribuojnë më shumë. Sot jemi në të njëjtin debat. Vjen pala tjetër e thotë do ta bëjmë 9% taksën e sheshtë. Taksa e sheshtë është për të pasurit, jo për 90 % të popullit. Vetëm nga taksa e sheshtë “Oligarkët” unë i them në thojza, mund të marrim direkt në vit mbi 50 mln euro, të cilat sot I fusin në xhep si taksë.
Problemi i madh është hendeku mes fakteve, shifrave e perceptimeve që krijohet nga propaganda, dizinformimi, padituria dhe predisponimi i njeriut për të besuar më shumë nga gënjeshtra se e vërteta kur gjendet përballë diçkaje që është i prirur të mos e pëlqejë. Unë personalisht nuk mendoj që Shqipëria ka problem të tillë dhe qeveria e Shqipërisë është në ndonjë kërcënim të tillë sa I takon sovranitetit të vendimmarrjes.”
Komenti u bë në Korçë gjatë një bashkëbisedimi me qytetarët.