“Abissnet Superiore”/ Skënderbeu – Tirana ngre siparin e javës së katërt të premten, 4 ndeshje të tjera luhen të shtunën & të dielën – Balkanweb.com – News24

Java e katërt e “Abissnet Superiore” do të zhvillohet të premten, të shtunën dhe të dielën. Sfida hapëse e kësaj jave do të luhet në Korçë mes Skënderbeut dhe Tiranës, të premten në ora 18:30.

E shtuna do të mirëpresë dy sfida të tjera të kësaj jave. Partizani do të përballet me Dinamo City-n në stadiumin “Vora”, me ndeshjen që është planifikuar të nisë në ora 16:00 ndërsa Teuta do të presë Vorën në shtëpi, teksa takimi do të luhet në ora 18:30.

Laçi do të presë Vllazninë në shtëpi të dielën në ora 16:30, ndërsa AF Elbasani – Egnatia do të ulë siparin e javës së katërt, me takimin që do të zhvillohet në “Elbasan Arena” në orën 18:30.

© BalkanWeb