Gjatë konferencës së sotme për shtyp në Gjirokastër, kryeministri Edi Rama është pyetur edhe për çështjen e aeroportit. Ai tregoi arsyet se përse u zgjodh Vlora, por nuk përjashtoi mundësinë e investimit edhe në aeroportin e Gjirokastrës. Ja përgjigjja e Ramës.
“Së pari kjo nuk është çështje diskriminuese apo favorizuese. Kjo është çështje llogarish dhe investimi në aeroportin e Vlorës ka tjetër ekonomi shkalle. Investimi i mundshëm në aeroportin e Gjirokastrës ka tjetër ekonomi shkalle. Është çështje e interesit dhe potencialit. Ne nuk kemi hequr dorë, por ajo që mund t’ju them është se jemi në diskutime, ka disa opsione. Natyrisht nuk do të bëjmë dy aeroporte, një në Gjirokastër një në Sarandë. Kjo s’ka asnjë kuptim. Jemi duke eksploruar disa opsione. Me siguri do t’i vijë radha edhe aeroportit të zonës. A do të jetë në Gjirokastër apo në Sarandë këtë do ta vendosin shifrat, do ta vendosin llogaritë”, u shpreh Rama.
©ArgjiroLajm.net
