Një aksident i rëndë është shënuar ditën e sotme në Greqi, në autostradën e vjetër Ksanthi-Kavala, kur një autobus është përplasur me një makinë.
Mediat greke bëjnë me dije se kanë humbur jetën 4 persona dhe janë plagosur 3 të tjerë. Aksidenti është shkaktuar pasi shoferi ka humbur kontrollin e mjetit dhe është përplasur me autobusin.
Makina është bërë copa dhe për pasojë kanë humbur jetën shoferi dhe pasagjerët. Në vendin e aksidentit janë forcat e policisë dhe zjarrfikëse si dhe autoambulanca të EKAV-së.
