Aksident në bulevardin Vlorë-Skelë, një i plagosur rëndë

Një aksident i rëndë ka ndodhur mbrëmjen e sotme në Bulevardin Vlorë-Skelë, ku drejtuesi i një motori ka përpasur një qytetar. Burime nga vendngjarja bëjnë më dije se qytetari ishte duke kaluar rrugën në momentin që ndodhi përplasja. Nuk bëhet ende e ditur nëse shkak për aksidentin u bë shpejtësia e lartë motorit apo një gabim i kalimtarit. Sakaq, të dëmtuar ka mbetur drejtuesi motorit dhe kalimtari, ndërsa ky i fundit raportohet se është në gjendje të rëndë dhe të dy janë transportuar për në spital me ambulancë. Ndërkohë, policia ndodhet në vendin e ngjarjes dhe po heton për të zbardhur rrethanat e aksidentit.