Rreth orës 18:30, në aksin rrugor “Ura e Leklit-Këlcyrë”, në hyrje të qytetit të Këlcyrës, një aksident trafiku ka ndodhur, ku automjeti me drejtues shtetasin E. C., 35 vjeç, banues në fshatin Mezhgoran, është përplasur me motomjetin që drejtohej nga shtetasi D. K., 64 vjeç, banues në Këlcyrë.
Si pasojë e përplasjes, shtetasi D. K. ka pësuar dëmtime dhe është dërguar menjëherë në Spitalin Rajonal Gjirokastër, ku po merr trajtim mjekësor dhe ndodhet nën kujdesin e mjekëve.
Drejtuesi i automjetit, E. C., është shoqëruar në komisariat për veprime të mëtejshme hetimore.
Aktualisht, grupi hetimor ndodhet në vendngjarje dhe po kryen hetimet e nevojshme për të sqaruar shkaqet e aksidentit.
