Tre persona kanë mbetur të plagosur ditën e djeshme në Fier, si pasojë e një aksidenti. Policia bën me dije se aksidenti u regjistrua në aksin rrugor Levan-Tepelenë, në afërsi të fshatit Frakull e Madhe, ku ka dalë nga rruga automjeti tip “Fiat” me drejtues shtetasin E. S., 35 vjeç, banues në Varibob. Për pasojë është dëmtuar drejtuesi i mjetit dhe pasagjerët në mjet, shtetasi A. S., 33 vjeç dhe shtetasja Xh. S., të cilët ndodhen në spitalin e Fierit nën kujdesin e mjekëve. Grupi hetimor po punon për zbardhjen e plotë të rrethanave të ngjarjes.