Një aksident është regjistruar mbrëmjen e sotme në aksin Përmet-Këlcyrë. Mësohet se një automjet tip “Ford” ka humbur kontrollin dhe ka dalë nga rruga. Dyshohet se shkak i aksidentit ka qenë lagështira në rrugë nga reshjet e shiut.
Makina mësohet se ka bërë dy rrotullime dhe ka përfunduar në një fushë pranë rrugës. Ngjarja ka ndodhur konkretikisht në afërsi të kthesës së fshatit Kosinë. Shoferi i makinës, i identifikuar si S.Alushaj është dërguar në Spitalin e Gjirokastrës. Fatmirësisht ai ndodhet jashtë rrezikut për jetën.
