Duke cituar Komisionin e Venecias, deputeti i PD-së teksa lexon raportin rekomandues për çështjen “Balluku” në foltoren e Kuvendit, sqaron ekzaktësisht rolin e këtij të fundit.
“Është detyrë e Kuvendit të verifikojë vetëm nëse ekzistojnë të gjitha kushtet për dhënien e autorizimit. Në këtë lloj procedure ka vetëm një detyrë, që deputeti të mos jetë peng i abuzimit politiko-partiak për shkak të veprimtarisë së tij parlamentare”, theksoi ai.
Në të kundërt sipas tij, bëhet shqyrtim ligjor, në shkelje të ndarjes dhe balancimit të pushteteve.
