Një aksident tragjik është regjistruar këtë të shtunë në aksin rural Xorterou-Koimisis në Seres të Greqisë, ku kanë humbur jetën dy shqiptarë. Një automjet ku udhëtonte një familje shqiptare ka humbur kontrollin dhe është përplasur me barrierat metalike të rrugës.
Për pasojë kanë humbur jetën drejtuesi dhe pasagjerja, burrë e grua 35 dhe 25 vjeç. Mësohet se aksidentit tragjik i ka shpëtuar vetëm vajza e tyre e mitur, e cila ka marrë plagë të lehta.
