Një aksident i rëndë ka ndodhur në Qafën e Muzinës. Automjeti me targa greke tip ‘Huyndai’ që drejtohej nga 50-vjeçarja Etleva Bejko, ka dalë nga rruga dhe ka rënë në humnerë pasi është rrokullisur disa herë. Ngjarja e rëndë ndodhi rreth orës 11:30.
Për pasojë të dëmeve që ka pësuar nga rrokullisja e mjetit, shoferja 50-vjeçare ka ndërruar jetë në vendngjarje.
NJOFTIMI ZYRTAR
Rreth orës 11:30, në vendin e quajtur Qafa e Muzinës, Sarandë, shtetasja E. B., 50 vjeçe, duke drejtuar automjetin tip “Hyundai” dyshohet se ka humbur kontrollin dhe ka dalë nga rruga. Si pasojë e aksidentit shtetasja E. B, ka ndërruar jetë, në vendngjarje. Grupi hetimor ndodhet në vendngjarje dhe po punon për zbardhjen e plotë të rrethanave të aksidentit.
