Një incident i rëndë ka ndodhur pranë banesës së këngëtares së njohur Rihanna në Los Angeles, ku një grua dyshohet se ka qëlluar me armë drejt shtëpisë së saj. Autoritetet kanë arrestuar një 35-vjeçare nga Florida, e identifikuar si Ivanna Ortiz, e cila përballet me akuza për tentativë vrasjeje.
Sipas policisë së Los Angelesit, e dyshuara dyshohet se ka qëlluar disa herë nga automjeti i saj drejt adresës së artistes, ku ajo jeton me partnerin e saj, reperin ASAP Rocky. Fatmirësisht, nga të shtënat nuk është raportuar asnjë i lënduar.
Një raport policor i siguruar nga mediat amerikane tregon se të paktën dhjetë të shtëna janë qëlluar nga një makinë e bardhë Tesla, e cila ishte ndaluar përpara banesës së artistes. Pas të shtënave, drejtuesja e mjetit është larguar menjëherë nga vendngjarja.
Policia publikoi edhe përshkrimin e të dyshuarës, e cila u pa me gërsheta dhe e veshur me një bluzë ngjyrë krem. Automjeti i saj, sipas autoriteteve, ishte i ndotur në pjesën e poshtme, çka ndihmoi në identifikimin e tij.
Pas një kërkimi të shpejtë nga ajri, një helikopter policie lokalizoi automjetin në një parking në zonën e Sherman Oaks, ku Ortiz u arrestua pa rezistencë. Ajo u lirua më pas me kusht, pasi u vendos një garanci prej 10.2 milionë dollarësh.
Një burim pranë çiftit ka bërë të ditur se Rihanna dhe ASAP Rocky nuk kanë shumë informacione për incidentin dhe nuk kanë reaguar publikisht deri tani. Gjithashtu është konfirmuar se reperi nuk ndodhej në shtëpi në momentin e të shtënave.
Çifti ka tre fëmijë së bashku: RZA, Riot dhe Rocky. Ndërkohë, hetimet për rastin vijojnë dhe motivi i sulmit mbetet ende i paqartë.
