Aksidenti i frikshëm, makinat përplasen kokë më kokë, 6 persona përfundojnë në spital (VIDEO)

Një aksident i rëndë ka ndodhur rreth orës 14:30, në aksin rrugor Fier-Seman, në Fermë-Çlirim, ku janë përplasur dy automjete, ndërsa të plagosur kanë mbetur 6 persona. Policia bën të ditur se në aksident janë përfshirë një automjet tip “Benz”, i cili drejtohej nga një 16-vjeçar dhe një “Volkswagen”, që drejtohej nga shtetasi V. H., 61 vjeç. Si pasojë njëra nga makinat ka përfunduar në kanal. Policia raporton se janë plagosur 2 drejtuesit e mjeteve dhe 4 pasagjerë, të cilët ndodhen në spitalin e Fierit nën kujdesin e mjekëve.