Një tjetër viktimë me origjinë shqiptare në aksidentin tragjik në Larisa të Greqisë. Ajo është studentja Ifigjenia Micka. Mediat greke raportojnë se është bërë identifikimi i saj përmes ADN-së së krahasuar me të familjarëve. Lajmin e ka dhënë në Facebook avokati i familjes së saj, Stelios Sourlas. Deri më tani numri total i viktimave të aksidentit me tren është 57. Mes të zhdukurve deri më tani, përfshi edhe Ifigjenia Mickën, janë 3 të rinj të tjerë shqiptarë; Pavlin Bozo, Denis Ruçi dhe Klaudia Lata. ©argjiroja.net