Aksidenti tragjik në Greqi, kush janë 4 shqiptarët ende të zhdukur (Emrat)

4 të rinj shqiptarë vijojnë të jenë të zhdukur pas aksidentit tragjik me tren në Larisa të Greqisë. Burime nga ambasada jonë në Athinë konfirmojnë se bëhet fjalë për Pavlin Bozon, Denis Ruçin, Klaudia Laton dhe Francesko Bezhën. Familjarëve të tyre mëson Argjirolajm.net u janë marrë mostra të ADN për të kryer analizat me trupat viktimave që janë në morg. Në total numri i të zhdukurve nga ky aksident është 45, shumica mes moshës 20 dhe 30 vjeç. Ndërkohë numri i viktimave ka shkuar në 57.