Një nga makinat e eskortës së kryeministrit Edi Rama është përfshirë në një aksident në fshatin Branj, Korçë. Nga informacionet paraprake mësohet se janë plagosur dy persona. Makina e eskortës së kryeministrit Rama ka dalë nga rruga si pasojë e lagështirës.
Burime për Lapsi.al thanë se në aksidentin në Korçë janë përfshirë disa makina dhe kanë mbetur 5 persona të plagosur. Mjeti ku udhëtonte Edi Rama nuk është përplasur, por makina e eskortës së kryeministrit është përplasur dhe dy prej shoqëruesve të Ramës janë të plagosur. Pesë persona janë dërguar në spital pas aksidentit, të gjithë jashtë rrezikut për jetën.
