Prefekti i qarkut Gjirokastër ka zhvilluar sot një takimi me drejtues të degëve territoriale dhe inspektoriateve shtetërore në kuadër të luftës kundër informalitetit dhe mbarëvajtjes së sezonit turistik. Të pranishëm në këtë takim ishin Drejtori i Drejtorisë Rajonale Tatimore, Drejtori i Drejtorisë Vendore të Policisë, Drejtori i Autoritetit Rrugor Jugor, Kryeinspektori i Inspektoriatit Shtetëror Shëndetësor, Drejtori i AKU Gjirokastër si dhe Drejtori i Administratës Shtetërore të Zonave të Mbrojtura.
Në kuadër të luftës kundër informalitetit Prefekti i qarkut theksoi rëndësinë e planeve të përbashkëta të inspektimit duke evituar inspektimet individuale, në mënyrë që të mos rëndohet veprimtaria e subjekteve tregtare apo turistike. Gjithashtu Prefekti i qarkut kërkoi angazhim maksimal nga të gjitha strukturat vendore në qark për një koordinim të përbashkët në luftën kundër informalitetit.
Në kuadër të mbarëvajtjes së sezonit turistik nga ana e Prefektit të qarkut është kërkuar që të merren masa nga Drejtoria e Policisë Vendore me qëllim mbështetjen e turistëve, operatorëve dhe bizneseve duke mos lejuar manipulimin e tyre nga individë apo subjekte të papërgjegjshëm që mundohen të shtrytëzojnë mundësitë e krijuara nga flukset turistike.
Në përfundim të takimit Prefekti i qarkut theksoi se lufta kundër informalitetit është një vullnet i fortë i qeverisë shqiptare për të garantuar rregulla të barabarta në treg, për të mbështetur biznesin që respekton rregullat dhe që punon në mënyrë të ndershme.
