Edhe Libohova ka hapur sot sezonin turistik. Me këtë rast është organizuar një aktivitet në oborrin e brendshëm të sarajeve të Myfid Bej Libohovës nga nxënësit e shkollës 9-vjeçare ‘Avni Rustemi’ dhe bashkia e qytetit. Të pranishëm ishin nxënës, mësues, kryebashkiakja Luiza Mandi dhe qytetarë të tjerë. Gjatë eventit u prezantuan gatime të ndryshme tradicionale, si dhe u zhvillua një koncert me interpretime nga nxënësit. Investimet e viteve të fundit në Libohovë pritet t’i japin një nxitje të madhe zhvillimit të turizmit edhe në këtë zonë.
