Më akuza, kërcënime dhe fyerje është shoqëruiar seanca gjyqësore e kreut të Partisë së Lirisë, Ilir Meta në GJKKO.
Në këtë seancë ishte i pranishëm edhe kreu i SPAK-ut, Altin Dumani. Meta nuk u përmbajt edhe para togave të zeza, por hodhi akuza ndaj Dumanit.
Sipas gazetares Blerina Cene, kreu i PL-së përsëriti të gjitha akuzat që ka bërë edhe në daljet publike ndaj kreut të SPAK-ut.
“Nuk është e rrallë që në sallën e gjyqit të ketë tensione. Por ajo që është për tu habitur është se akuzat, kërcënimet fyerjet dhe të gjitha deklarata që ne i kemi dëgjuar publikisht nga zoti Meta, ky i fundit ia deklaroi ballë për ballë kryeprokurorit të SPAK, Altin Dumani. Diçka tjetër që më bëri përshtypje në fakt ishte mungesa e simpatizantëve të Partisë së Lirisë.
Nëse e krahasojmë me procesin e zotit Berisha, ky i fundit ka patur sipmatizantë dhe militantë të cilët e kanë ndjekur me kërshëri, këtë gjë nuk e vura re sot. Më mbeti në mendje një lloj “meaculpa” të zonjës Kryemadhi e cila i tha avokatit Genc Gjokutaj në sallën e gjyqit se përse nuk kërkoi që ndaj zotit Meta të lehtësohet pozita e tij ligjore në detyrim paraqitje. Sipas saj në arrest me burg e meritonte të ishte vetë ajo dhe jo ish-Presidenti i Republikës, Ilir Meta”, theksoi gazetarja.
