Ernest Muçi është tashmë një titullar i padiskutueshëm te Trabzonspori. Te klubi turk kanë filluar të bëjnë llogaritë, duke parë se dy javë më vonë është ndeshja me Fenerbahçen.
Mediat në Turqi raportojnë se shqetësues është fakti, që Muçi qëndron në kuotën e tre kartonëve të verdhë. Sfida e radhës në kampionat për javën e 22-të është me Samsunsporin në transfertë ku Muçi duhet të tregohet i kujdesshëm.
Kartoni i verdhë do e mbante jashtë për takimin me Fenerbahçen. Kujtojmë se Muçi është i huazuar nga Beshiktashi dhe konsiderohet nga të preferuarit e trajnerit Fatih Teke.
Për të blerë kartonin e tij duhen 8.5 milionë euro. Një operacion ky që me shumë gjasa do të finalizohet në fundin e sezonit.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
