Nga të dhënat e fundit statistikore të INSTA, Shqipëria radhitet në mesin e vendeve të BE-së për sa i përket divorceve. Në 100 martesa 24.7 përfundojnë në ndarje. Kjo është një shifër shumë më e lartë se e vendeve fqinje të rajonit por është në të njëjtin nivel me atë të vendeve të BE.
Po ashtu statistikat tregojnë se jo vetëm është rritur numri i divorceve por edhe ka rënë edhe numri i martesave duke arritur edhe një standard tjetër europian. Shqipëria nuk arrin standardet europiane përsa i përket nivelit të jetesës, nivelit të kujdesit shëndetësor apo nivelit të arsimimit, por për sa i përket standardeve të divorcit shqiptarët kanë arritur nivelet e vendeve të zhvilluara europiane.
Kjo është një analizë që e bën gazetari Louis Seiller në portalin frankofon ‘Courrier des Balkans’ ku jepen lajme dhe analiza nga vendet e Ballkanit.
