Nikos Michaloliakos kreu i “Agimit të Artë” në Greqi është intubuar në spitalin e Larisës pasi është infektuar me Covid. Mediat greke raportojnë se gjendja e tij është përkeqësuar nga mbrëmja e djeshme.
Ai nuk është vaksinuar me asnjë dozë ndërkohë që vuan edhe nga diabeti, si dhe është mbipeshë. Kjo ia rëndon më shumë gjendjen shëndetësore.
Nikos Michaloliakos është dënuar për drejtim të organizatës kriminale “Agimi i Artë”, e cila për disa vite ia doli të ishte në Kuvendin e Greqisë. “Agimi i Artë” kishte një retorikë antishqiptare dhe kundër emigrantëve gjithashtu duke qenë një parti neonaziste. ©argjiroja.net
