Sektori i Arbitrimit në Federatën e Futbollit zhvilloi një seminar 3-ditor me arbitret vajza, në kuadër të përgatitjeve për sezonin e ri futbollistik dhe vijimit të punës për rritjen e standardeve të arbitrimit në futbollin shqiptar.
Gjatë seminarit u zhvilluan sesione teorike dhe praktike, ku në fokus ishin disa prej situatave më të rëndësishme të lojës, me qëllim unifikimin e vendimmarrjes dhe aplikimin korrekt të Rregullave të Lojës.
Tematikat e trajtuara përfshinë edhe ndryshimet e reja në Rregullat e Lojës, si dhe incidentet në zonën e penalltisë, faullet në ndërhyrje, prekjen e topit me dorë dhe shkeljet përkatëse, pozicionin jashtë loje, si edhe komunikimin mes arbitres dhe kapitenit.
Pjesë e rëndësishme e seminarit ishin edhe testet fizike, përmes të cilave arbitret vlerësuan përgatitjen e tyre fizike në prag të sezonit të ri.
Seminare të tilla janë pjesë e punës së vazhdueshme të Sektorit të Arbitrimit në FSHF për përditësimin e njohurive, përmirësimin e vendimmarrjes dhe harmonizimin e standardeve të arbitrimit me kërkesat bashkëkohore të futbollit.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
