Arjan Çani, i ftuar në emisionin “Të Paekspozuarit” në MCN TV, ka folur për zgjedhjet lokale, ku opozita pritet të jetë e disavantazhuar, për shkak se Enkelejd Alibeaj do të marrë tre komisionerë, me pretendimin se përfaqëson PD-në e vulës.
Çani tha se zgjedhjet kanë mbaruar dhe janë caktuar në tavolinë dhe se PD, bashkë me Partinë e Lirisë do të kenë vetëm një komisioner.
“Rezultati i ditës së zgjedhjeve, do të jetë tre komisionerë PD zyrtare, pra Alibeu, tre pushteti Edi Rama dhe një do ti mbetet partisë së Ilir Metës. Në shtatë vetë, gjashtë i ka Rama, dhë një opozita.
Në zgjdhje po shkojnë kot. Është gjetur një kleçkë e re, për ti bërë këto zgjedhje në tavoline.
Ky është plani dhe strategjia. Që në 14 maj, do të shohim 3 komisionerë të pushtetit, tre të partisë së Lul Bashës dhe vetëm një do të ketë opozita, sepse Berisha nuk do të ketë.
Është fiks ajo që kemi paralajmëruar, që Edi Rama mbase nuk do ta zhdukë fare opozitën, por e cakotn kush është dhe do ta dobësojë aq shumë që pushteti të mos vihet në rrezik.
3-3-1 kjo është skema”, deklaroi Çani.
