Kryetari i Partisë Demokratike, Sali Berisha, ka folur jashtë Parlamentit pas trazirave që u shkaktuan në seancë.
Berisha tha se beteja e opozitës është për ligjin dhe Kushtetutën.
Kryedemokrati u shpreh se motoja e mazhorancës është “vidh dhe ik”.
Më tej, Berisha tha se me këtë mazhorancë nuk ka dhe nuk mund të ketë Parlament.
“Beteja jonë është për ligjin, Kushtetutën, shtetin ligjor. Motoja e tyre është ‘vidh dhe ik’. Tani, të tjerat do t’i ndiqni në Parlament. Por Parlament me ata të cilët zbatojnë moton ‘vidh dhe ik’ nuk ka dhe nuk mund të ketë. Ligji dhe vetëm ligji duhet të mbizotërojë”, tha Berisha.
