Kryeministri Edi Rama është i sigurt se reforma në drejtësi është arritur nga Partia Socialiste, dhe sipas tij, PS ka qenë e vetëdijshme për pasojat që kjo reformë mund të sjellë. Gjatë një aktiviteti në Fier, ku u prezantuan kandidatët për deputetë për zgjedhjet e 11 majit, Rama theksoi se për herë të parë, individë të lidhur me pushtetin po përballen me prokurorë dhe gjykatës të pavarur.
Ai gjithashtu iu përgjigj kritikave të atyre që thonë se reforma ka kapur të gjithë, duke theksuar: “Kjo është një sfidë, por ne si parti kemi një numër të madh mbështetësish, dhe do të vazhdojmë të rritemi”.
“Ne e kemi bërë këtë reformë, ne kemi qenë të vetëdijshëm që kjo reformë do kishte këto rrjedhoja. Qajnë hallin tim, ti kapën thonë? Ca më kapën? Kjo familje është një bie mijëra ngrihen, ne jemi 800 mijë do shkojmë 1 milion në 11 maj këta thonë ti kapën.
Por nuk mundet dot të mbetet kjo një çështje e vullnetit tonë, sepse gjerat nesër do ndryshojnë. Ju e shikoni që pala tjetër thotë më 11 maj do fitojmë do çlirojmë TIkTok dhe do shkrijmë SPAK, shiko çfarë aluçinacione. Ata në fakt do fitojnë Noc Rrokun, por kjo nuk garantohet kështu, por garantohet duke hyrë në BE. Se në momentin që Shqipëria bëhet anëtarë e BE nuk ka qeveri që ta verë në diskutim drejtësinë para ligjit”, tha Rama.
