Nga një premtim i madh, Asllani është kthyer në një shqetësim të madh për Inter. Brenda një sezoni të vetëm, mesfushori kuqezi fillimisht u transferua te Torino në formë huazimi, por pak nga pak humbi jo vetëm statusin e tij si titullar, por në janar e pa veten jashtë planeve të klubit duke e detyruar që për herë të parë në karrierë të largohet nga Italia për t’u transferuar në Turqi, tek ekipi i Beshiktash.
La Gazzetta dello Sport ndez alarmin, pasi sipas të përditshmja italiane, Asllani pritet të kthehet në një shqetësim për Inter në fund të këtij sezoni pasi është thuajse e pamundur që Beshiktash të aktivizojë të drejtën për të blerë kartonin e tij. Në verë, Asllani pritet të jetë sërish në rrugë, në kërkim të një sistemi të ri:
“Në javën e fundit të merkatos së dimrit, Asllani gjeti zgjidhje te Beshiktash, por debutimi i tij ishte horror, pas vetëm 7 minutash në lojë doli me karton të kuq, plus dy ndeshje pezullim. Më pas fitoi vendin si titullar por deri në këtë pikë të sezonit nuk ka arritur të lë gjurmë, vetëm 1 asist në 8 ndeshje, shifra mesatare për të mos thënë inferiore. Në këto kushte është e vështirë që klubi turk të ushtrojë të drejtën për të blerë kartonin e tij me një çmim të fiksuar prej 12 milionë euro”, mbyll shkrimin e saj për Asllanin La Gazzetta dello Sport. Kujtojmë që Asllani është nën kontratë me Inter deri në vitin 2028.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
