Banorët e Këlcyrës sërish në protestë, Tritan Shehu u jep zemër: Rezistoni, mos u dorëzoni (VIDEO)

Rreth 30 banesa dhe objekte biznesi rrezikojnë të shemben në Këlcyrë, në kuadër të një projekti për ridimensionimin e pedonales së qytezës. Kjo ka ngritur në protestë prej 5 ditësh banorët të cilët preken nga ky projekt, i cili sipas tyre as nuk është bërë publik nga kryebashkiaku Klement Ndoni. Edhe sot ata kanë kërkuar të njihen me projektin, ndërsa bëjnë thirrje për anulimin e çdo aktiviteti në dëm të interesave të tyre dhe nuk janë dakort aspak me dëmshperblimin. Në protestë kanë qenë edhe ish-deputeti Tritan Shehu dhe funksionarë të tjerë të PD-së.