Disa banorë të fshatit Picar kanë marrë një nismë për t’u përshëndetur. Nuk kanë pritur nga Bashkia Gjirokastër e as nga kryetari Flamur Golemi, i cili është shfaqur disa herë kohët e fundit duke mbjellë pemë nëpër qytet, por ata e kanë bërë gjithcka vetë.
Prej dy ditësh po punojnë për mbjelljen e 140 fidanëve të rinj në fshat. 100 rrënjë janë rrepe, 40 janë pisha dekorative. Banorët i kanë blerë fidanët me shpenzimet e tyre. Vec pemëve ata po ndërtojnë vetë edhe Çezmën e Gurrës, si dhe një minifushë futbolli.
Rasti i Picarit është një shembull i mirë që tregon vëmendjen që ne duhet t’i kushtojmë natyrës dhe ambientit ku jetojmë. Të mos presim cdo gjë nga shteti, por të luajmë vetë gurët për të bërë më të mirën për veten tonë. Vullnetarizmi nuk është një gjë e dalë mode, përkundrazi merr vlerë në cdo kohë dhe duhet përkrahur.
©argjiroja.net
