Kreu i Partisë Demokratike Lulzim Basha po zhvillon një mbledhje me grupin parlamentar të partisë që drejton, duke u dhënë porosi deputetëve që të angazhohen për protestën e 13 majit.
Sipas Bashës, protesta duhet të jetë masive, por paqësore dhe brenda parametrave demokratikë.
Basha: Përvoja e fituar ne Kavajë e vlefshme për rrugën në vijim. Të nisim menjëherë punën në terren për protestën e 13 majit.
Pjesëmarrje masive, demonstrim vendosmërie, por paqësisht dhe brenda parametrave demokratike. 13 maji një stacion në rrugën për fitoren e kauzës qytetare dhe politike. Qëndresë deri në fund për zgjedhje të lira e të ndershme.
Ndërkohë, deputetja e PD-së, Majlinda Bregu është shprehur kundër bojkotit të zgjedhjeve, ndërsa ka shprehur pakënaqësi ndaj deklaratës së Lulzim Bashës, sipas të cilit, atë që ka “arritur çadra në 78 ditë, nuk e ka arritur grupi parlamentare në 3 vite”.
