Pas publikimit të rezultateve që sinjalizojnë humbjen e opozitës, kryedemokrati Lulzim Basha ka thyer heshtjen dhe ka dalë në një konferencë për media.
Ai thotë se procesi është duke vijuar ende dhe se beson tek një ripërmbysje e rezultatit.
Ndër të tjera ai tha se Partia Demokratike ka fituar bindshëm.
Sipas Bashës, deri tani janë numëruar kutitë vetëm në bastionet e PS, ku sipas tij, edhe aty PD ka njohur rritje të ndjeshme.
Të njëjtin argument ka përdorur edhe LSI, se po numërohen kutitë në bastionet e PS.
“Qendrat e para që numërohen janë qendrat që janë përcaktuar nga partia në pushtet dhe favorizojnë partinë në pushtet.
PS ka humbur thellë numrin e votave të numëruara. Kemi të bëjmë me një humbje të thellë të PS dhe një rritje të numrit të votave të PD.
Ky është fillimi. Pas kutive që shpresonin t’i kishin bastion por janë ndëshkuar siç ëhstë zona 10 në Tiranë ku PD ka rritje, do të vijë edhe radha e kutive të tjera.
Deri sa janë ndëshkuar në ato që i konsideronin bastione, presim që vota për ndryshim të vazhdojë.
Ata që e dinë fare mirë se me projeksionet aktuale çfarë i pret në kutitë e tjera t’i lënë lojërat. Janë ata që përpiqen të bllokojnë numërimin në Durrës e kudo tjetër, le të vazhdojnë numërimin.
Vazhdoni punën sipas ligjit me përgjegjësi, vullneti i popullit është në ato kuti.
Në fund të këtij numërimi ndryshimi do të jetë i prekshëm për të gjithë”, u shpreh Basha, i cili dukshëm nuk i besonte as vetë ato që thoshte.