Kryetari i Partisë Demokratike, Lulzim Basha sot në Gjirokastër vizitoi edhe pazarin e vjetër të këtij qyteti, ku u takua me disa prej tregtarëve artizanalë. Basha mori edhe një dhuratë të veçantë, një jelek që e mbajnë burrat e Gjirokastrës. Ndërkohë, kreu i PD premtoi mbështetje për artizanatin dhe sektorin e turizmit. “Më 25 prill të gjithë bashkë për ndryshim. Dhe do t’ju përgjigjemi me një qeveri që ju shërben vetëm ju. Ju garantoj se për artizanatin dhe turizmin do të ketë vëmendje dhe fonde të veçanta. Ne do të kujdesemi që puna juaj të krijojë mirëqeni”, tha nder te tjera kryedemokrati.
JA BASHKEBISEDIMI
Lulzim Basha: Mos u dorëzoni, 8 vite ka munguar mbështetja. Ju garantoj se për artizanatin dhe turizmin do të ketë vëmendje dhe fonde të veçanta. Ne do të kujdesemi që puna juaj të krijojë mirëqeni
Tregtarja: Do ta pranoni një dhuratë
Lulzim Basha: Çfarë është kjo?
Tregtarja: Është një nga jelekët e veshjes së burrave të Gjirokastrës
Lulzim Basha: Do ta bëj provë njëherë. Megjithëse veshjen tjetër nuk e kam të harmonizuar. Është veshje gjirokastrite”
Tregtarja: Po, është një nga veshjet
Lulzim Basha: Të lumshin duart, faleminderit për dhuratën. Më 25 prill të gjithë bashkë për ndryshim. Dhe do t’ju përgjigjemi me një qeveri që ju shërben vetëm ju.
