Ditën e sotme në media ka qarkulluar lajmi në Bashkinë e Delvinë, punonjësit nuk marrin rrogat që prej tre muajsh. Kryetarja e bashkisë së Delvinës Majlinda Qilimi, në një reagim për televizionin Fax News, deklaroi se punëtorët janë paguar rregullisht.
“Kjo nuk është e vërtetë, sot mbush tre muaj në këtë detyrë edhe punonjësit janë paguar rregullisht çdo këto tre muaj që unë mbaj këtë post. Vështirësitë janë të shumta, por po mundohem ti jap zgjidhjen e duhur çdo problematike.”- u shpreh Qilimi.
Bashkia e Delvinës pas ndarjes së rë territoriale mbeti ndër bashkitë me të vogla në territor dhe numër popullsie, kjo pasi hartuesit e hartës territoriale duhet me parë të kenaqnin bashkitë kufitare me Delvinën.
Aktualisht ne territorin e Bashkise Delvine nuk ka asnjë biznes të madh apo të mesëm me numër të lartë të punësuarish dhe të ardhurat e kësaj bashkie vijne kryesisht nga tarifat e kullotave, atyre pak bizneseve të vogla dhe familjarëve.
